Мерц Сини Украинада ўт очишни тўхтатишга ёрдам беришга чақирди

Фридрих Мерц Германия канцлери лавозимига киришганидан кейин биринчи марта Хитой раҳбари Си Жинпинг билан телефон орқали суҳбатлашди.

Фото: Li Xueren/Xinhua/-,Yauhen Yerchak/Zuma Wire/picture-alliance

Германия канцлери Фридрих Мерц ХХР раиси Си Жинпингни телефон орқали суҳбатда Украинадаги урушни тугатиш бўйича халқаро саъй-ҳаракатларни қўллаб-қувватлашга чақирди, дея маълум қилди 23 май, жума куни Германия ҳукумати матбуот котиби Штефан Корнелиус.

Мерц канцлер лавозимига киришганидан кейин Си билан биринчи телефон суҳбатида унга Украинада «тезроқ ўт очишни тўхтатишга эришиш» бўйича «Европа ва Қўшма Штатларнинг биргаликдаги саъй-ҳаракатлари» ҳақида гапириб берди ва Пекинни бу саъй-ҳаракатларни қўллаб-қувватлашга чақирди, деди Корнелиус. Унинг таъкидлашича, Мерц ва Си «глобал муаммоларни ҳал этишда ҳамкорлик қилишга» тайёр эканликларини таъкидладилар.

«Канцлер ва раис Си Германия ва Хитой ўртасидаги иқтисодий муносабатларнинг муҳимлигини таъкидладилар», деди Германия ҳукумати вакили ва Фридрих Мерц «ҳалол рақобат ва ўзаро келишув муҳимлигини» алоҳида таъкидлаганини қўшимча қилди. Томонлар «Германия-Хитой ҳамкорлигини янада ривожлантириш мақсадида яқин келажакда тўғридан тўғри фикр алмашишни давом эттиришга келишиб олдилар», дея қўшимча қилди Штефан Корнелиус.