Индонезиядаги Сопутан вулқони ҳаракатга келди ( фото )

Индонезия шарқидаги Шимолий Сулавеси провинциясида маҳаллий вақт билан 20.53да Сопутан вулқони уйғонди, дея хабар бермоқда “Синьхуа” агентлиги.

Вулқон мақоми “тревога” (2- даража)дан “тайёргарлик ҳолати” (3- даража)га қадар оширилди. Уйғониш жойидан 4 км радиусда ҳар қандай инсон фаоллиги имкониятлари истисно этилмоқда. Айни пайтда вулқон устида 2 километрлик кул ва тутундан иборат устун пайдо бўлган. Мазкур тутун оқими жануби-шарққа қараб йўналмоқда.