Audi 2018 йилдан серияли электр кроссовер ишлаб чиқаришни йўлга қўяди

2018 йилдан Audi компанияси тарихида биринчи марта серияли электр кроссовер ишлаб чиқаришни йўлга қўяди. Буҳақда марканинг матбуот хизмати хабар бермоқда.

Электрокар Бельгиянинг Брюссель шаҳрида ишлаб чиқарилади. Шу заводнинг ўзида модель учун батареялар етказиш йўлга қўйилади. Янги модель Q6 e-tron номини олиб, Q5 ва Q7 моделлари орасидан жой олади.

Кроссовернинг салафи e-tron quattro концепт-кари бўлиб, у 2015 йил кузида Франкфурт автосалонида тақдим этилган эди. Прототип учта электромоторга эга, улардан бири олд ўқ олдида, иккитаси орқа ўқда жойлашган. Бирлашганда агрегатлар 435 от кучи беради, аммо кескин тезланишда бу кўрсаткич 503 от кучига етиши мумкин.

Машина 100 км/соат тезликка 4.6 секундда эришади, максимал тезлиги 210 км/соатни ташкил қилади. 95 киловатт-соат ҳажмли батареялар комплекти 500 км йўл босиш имконини беради.