Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жамият | 23:11 / 25.03.2016
    2865
    2 дақиқада ўқилади

    "Бэтмен Суперменга қарши" фильми рекорд ўрнатди

    Экранлар юзини энди кўрган "Бэтмен Суперменга қарши" фильми ўзига хос рекорд ўрнатди, деб хабар бермоқда Variety нашри. Фильм 24 март, пайшанба куни АҚШда 27,7 млн доллар ишлаб топди.

    Бу Пасха уикендидаги пайшанба кунидаги намойишлар орасида энг яхши кўрсаткич бўлди. Аввалги рекорд " Форсаж-7" (18,8 млн доллар) жангари фильмига тегишли эди.

    АҚШда барча пайшанба кунги намойишлар орасида рекорд натижани ҳали ҳам "Юлдузлар жанглари: Кучнинг уйғониши" ушлаб турибди: 2015 йил 17 декабрда (пайшанба) фильм 57 млн доллар ишлаб топган.

    Фильмдаги Бэтмен ролини ижро этган актёр Бен Аффлек видеомемлар қаҳрамонига айланди. YouTube’да Аффлек ва унинг фильм бўйича ҳамкасби Генри Кавиллнинг интервьюси Simon and Garfunkel дуэтининг The Sound of Silence (Сукунат товуши) қўшиғи остида кетаётган ролик пайдо бўлди.

    Кавилл бу интервьюда фильмга билдирилган танқидларга фаол равишда изоҳ беради, Аффлек эса асосан жим ўтиради ва фақатгина интервью охирида ўз ҳамкасбининг гапларини қўллаб-қувватлашини айтади.

    Ушбу видеомем 24 мартда чоп этилди ва айни вақтгача деярли 900 минг намойиш йиғишга улгурди.