Samsung экранда содир бўлаётган ҳодисага қараб бурилувчи телевизорлар ишлаб чиқаради

Американинг савдо маркалари ва патентларни рўйхатдан ўтказиш бюроси Samsung компаниясининг патент учун аризасини чоп этди. Аризада ўйин жараёнларини кўпроқ қамраб олишга мўлжалланган телевизорни ишлаб чиқариш қайд этилган. Ҳужжатда телевизор экрандаги тезлик ва объект ҳаракатининг йўналишини бошқаришга қодирлиги кўрсатиб ўтилган.

Маълумотларга кўра, экран фильм ёки ўйиндан яхшироқ таассурот олиш учун ўз эгрилигини ўзгартира олади. Бундай технологияларга пойгали видеоўйинлар энг яхши  мисол бўла олади. 

Масалан, ўйин чоғида автомобиль ўз жойида турса ёки секин ҳаракатланишни бошласа, экран текис тураверади, бироқ дисплей ён томонларга бурилганида, кўпроқ тезланиш ва ҳаракат ҳиссини беради. Машина қайрилганида экраннинг ўша томони ҳам эгилади ва тасвир динамикасини янада кучлироқ кўрсатиш имконини беради. 

Юқоридаги таърифлардан келиб чиққан ҳолда Samsung телевизорни ўйин ишқибозлари учун махсус ишлаб чиқаришни режалаштирганини тахмин қилиш мумкин.