Сурияда «Адмирал Кузнецов» авиациясидан фойдаланилади

Суриядаги жангарилар эгаллаб турган позицияларига ҳаво зарбалари бериш учун Ўрта ер денгизидаги «Адмирал Кузнецов» авиаташувчи крейсери самолётларидан фойдаланилади. Улар, 2016 йил октябрь ойидан 2017 йил январигача жанговар топшириқларни амалга оширади, деб хабар қилмоқда ТАСС агентлиги Москвадаги ҳарбий дипломатик манбасига таянган ҳолда. 

Унинг аниқлик киритишича, Хмеймим базаси авиация бўлинмаси ҳарбий учувчилари ҳамда кема авиацияси учувчилари ўзаро ҳамкорлик қилишади. Авиаташувчи кема Сурия чегаралари яқинига лангар ташлайди. 

Аввалроқ, Россия Шимолий флотидаги манба, мудофаа вазирлиги «Адмирал Кузнецов» авиаташувчи крейсерини 2016 йил ёзида Ўрта ер денгизига сафарбар этмаслигини билдирган эди.