Японияда автомобилнинг орқани кўриш ойнасини видеокамерага алмаштиришга рухсат берилди

Японияда автомобилларнинг орқа кўриш ойналарини видеокамералар ва мониторларга алмаштиришга расман рухсат берилди, деб хабар бермоқда «Авторевю».

Маълумотларга кўра, Япониянинг Ichikoh ва Германиянинг Bosch компаниялари шундай бутловчи қисмларни ишлаб чиқишга тайёрликларини билдирган. Яқин орада, шу каби чоралар бошқа мамлакатларда ҳам қўлланилиши мумкин. Хусусан, Хитой ва ЕИ жорий йилда, АҚШ 2018 йилдан мазкур янгиликка рухсат бериш кутилмоқда. 

Изоҳларга кўра, салондаги мониторларга узатиладиган камераларнинг тасвири ёнойналар ва машина ичидаги орқа кўриш ойнасини алмаштиради. Бу каби қурилмаларнинг етарли ёруғлик бўлмаган вақтларда компьютер ёрдамида тасвирларни қайта ишлаш имконияти каби устунлик жиҳатлари билан бирга, кўриш бурчагининг чекланганлиги ва дастурнинг ишдан чиқиш эҳтимоллари ҳам бор. 

Кўплаб автомобиль ишлаб чиқарувчи компаниялар орқани кўрсатувчи камераларни машиналарига ўрнатаётган бўлса-да, ойналар хизматидан ҳам воз кечганича йўқ.