Британия мудофаа вазири Brexitнинг ҳарбий фойдаларини маълум қилди

Фото: AP

Буюк Британия мудофаа маҳкамаси раҳбари Майкл Фэллоннинг фикрича, мамлакатнинг ЕИ таркибидан чиқиши, Бирлашган Қироллик қуролли кучларини модернизация қилишга туртки бериши мумкин, деб хабар қилмоқда Defence News портали.

Унинг сўзларига кўра, ЕИ ҳарбий соҳадаги инновациялар борасида АҚШдан 20-40 йилга ортда қолмоқда. Бунга, Европа мудофаа агентлигининг қоида ва меъёрлари сабаб бўлаяпти. Иттифоқ таркибидан чиққан Британия бу каби қоидалар билан чегараланиб қолмагани боис, унинг олдида янги имкониятлар пайдо бўлади.

Фэллон шунингдек, АҚШ ва Буюк Британиянинг технологияларни ривожлантиришдаги алоқалари мустаҳкамланишига умид билдирган.

#Буюк Британия #Brexit #Майкл Фэллон #ҳарбий фойда

Kun.uz янгиликларини Google News'да кузатинг

+ Обуна бўлиш