Америкалик сузувчи Олимпиадада ўғрилик ҳақида ёлғон кўрсатма бергани учун узр сўради

Америкалик сузувчи Райан Лохте Риодаги Олимпиадада ўғрилик ҳақида ёлғон кўрсатма бергани учун узр сўради.

"Мен ўз ватанимни Олимпиадада тақдим қилаётганимдан фахрланаман, мен йўл қўйган вазият эса бошқа такрорланмаслиги керак. Бўлган воқеа учун жавобгарликни ўз бўйнимга оламан. Мен бу ҳодисадан бир нечта фойдали сабоқ чиқардим", деб ёзди Лохте инстаграмдаги саҳифасида.

АҚШ Олимпия терма жамоасининг 4 нафар сузувчиси ресторанда фейсконтролдан ўтаётганда ва кейинроқ Олимпия қишлоғига қайтганларида видеокузатув камералари томонидан қайд қилинганлар. Спортчилар ўша куни уларга қуролли босқинчилик уюштирилиб, телефон ва пуллари ўғриланганини маълум қилишган. Бироқ камералардан ёзиб олинган ёзувларда спортчилар бинога кираётганларида чўнтакларидан гўёки ўғриланган деб айтган буюмларни олаётганларини кўриш мумкин бўлган. Ушбу ҳолат юзасидан Бразилия полицияси икки сузувчи – Райан Лохте ва Жеймс Фейгенга жиноят ҳақида ёлғон кўрсатма бериш бўйича айблов қўйган.