Россияда парапланерчи 400 метр баландликдан қулаб тирик қолди

Ленинград вилоятилик 30 ёшли эркак парапланда парвоз қилаётганда назоратни йўқотиб, 400 метр баландликдан ерга қулаган. У бахтли тасодиф туфайли тирик қолган, деб хабар қилмоқда «Интерфакс» агентлиги.

Ҳодиса Модолица қишлоғида рўй берган. Якшанба, 28-август куни кечқурун полиция маҳкамасига келган хабарда, 1986-йилда таваллуд топган эркак шифохонага оғир аҳволда олиб келингани маълум қилинган. У парапланда учаётган вақтда қулаб тушгани боис, бош-мия жароҳати олгани ва оғир аҳволда эканини таъкидланган. 

Life сайтининг хабарига кўра, жабрдийданинг ўнг болдир суяги сингани ва бел соҳасида жароҳат олгани аниқланган.