Kia Хитой бозоридаги кроссоверини янгилади

Кореянинг Kia компанияси Хитойда сотиладиган KX3 кроссоверини янгилади. Унинг платформаси негизида ишлаб чиқариладиган Hyundai Creta яқинда МДҲ бозорида пайдо бўлганди. 

Йўлтанламаснинг кузови рестайлингдан сўнг, деярли бутунлай ўзгарган. Унинг бампери ва радиатор қафаси шакли ҳам янгиланган. Бундан ташқари, моделдан горизонтал диодли ёритқичлар олиб ташланган. 

Kia KX3нинг орқа томони деярли ўзгаришсиз қолган. Биргина, орқа бампер кўриниши бошқароқ шакл касб этган. 

KX3 интерьерида фақат марказий консол ўзгартирилган. Салоннинг бошқа қисми аввалгидек қолган. 

Йўлтанламас, олдингидек, иккита бензинли 1.6 литр ҳажмли (ҳаволи ва турбо), 125 ва 160 от кучига эга двигатель, бундан ташқари 161-от кучли, ҳаволи, 2.0 литр ҳажмли «тўрт цилиндр» мотор билан ҳам сотувга чиқарилади. 

Kia KX3нинг рестайлинг қилинган русуми 2-сентябрь куни Хитойнинг Чэнду шаҳридаги автошоуда намойиш этилади. 

Kia мазкур моделини МДҲ бозорида сотилмайди.