G20 юаннинг SDR саватчасига қўшилишини олқишлади

Йирик давлатлардан иборат "йигирма"лик гуруҳи (G20) Хитой миллий валютасининг SDR валюталари саватига қўшилганини олқишлайди, дейилади саммит якунига бағишланган коммюнике лойиҳасида. 

"ХВЖ қарорига мувофиқ, 1 октябрдан эътиборан юаннинг Қарз олиш махсус ҳуқуқи (SDR) саватчасига қўшилишини олқишлаймиз ", — дея ҳужжат матнидан иқтибос келтиради РИА Новости. 

SDR халқаро захира активи бўлиб, 1969 йилда ХВЖ томонидан ташкил этилган. Бу, аъзо мамлакатлар расмий захираларига қўшимча равишда амалиётга киритилган. SDR қиймати бугунги кунда тўртта асосий валюта: доллар, евро, япон иенаси ва  фунт стерлингга асосланган. Ўтган йилнинг ноябрь ойида ХВЖ хитой юанини SDR саватига қўшиш бўйича қарор қабул қилган эди.