Буюк Британия ташқи ишлар вазири Африкани давлат деб атади

Буюк Британия Консерваторлар партияси йиғилишидаги биринчи нутқида мамлакат ташқи ишлар вазири Борис Жонсон Африка қитъасини давлат деб атади, деб хабар бермоқда Mirror.

"Барча муаммоларга қарамасдан, Африкада умр кўриш давомийлиги бу давлат глобал иқтисодий тизимга кириши билан ҳайратланарли тарзда ўсди", деб айтди Жонсон.

Жонсоннинг таъкидлашича, 2000 йилда Эфиопияда умр кўриш давомийлиги 47 йилни ташкил қилган бўлса, охирги вақтда бу кўрсаткич 67 йилни ташкил қилмоқда. Замбияда эса аҳолининг ўртача умр кўриши давомийлиги 44 ёшдан 60 ёшгача ўсган.