WSJ: Цукерберг Трампнинг Facebook тармоғидаги баёнотларини цензура қилмайди

Facebook ижтимоий тармоғи асосчиси Марк Цукерберг АҚШ президентлиги учун республикачилар партияси номзоди Дональд Трампнинг баёнотларини цензура қилмаслик хусусида кўрсатма берди. Бу ҳақда The Wall Street Journal нашри хабар қилмоқда.

Нашрнинг ёзишича, Цукерберг Республикачилар партияси номзодининг баёнотларини таҳрир қилиш, гарчи улар бирмунча кескин руҳда бўлса-да, ножоиз экани ҳақида баёнот берган. 

Айни чоғда, нашрга кўра, бу қарор Facebook ходимларининг норозилигига сабаб бўлган. Уларнинг аксарияти, ижтимоий тармоқ меъёрлари бузилаётганини айтишган. 

Ўз навбатида компания матбуот хизмати, Трамп баёнотларининг кескинлигига эмас, унинг моҳиятига эътибор қаратилишини билдирган.