Бокс бўйича Улан-Баторда ўтказилган халқаро турнирда Ўзбекистон вакиллари 11 медални қўлга киритишди

Фото: olympicboxing.uz

Бокс бўйича Ўзбекистон терма жамоаси аъзолари Мўғулистон пойтахти Улан-Батор шаҳрида ўтказилган халқаро турнирда тўрттадан олтин ва кумуш, уч бронза медални қўлга кириди.

Мусобақада Ўзбекистоннинг иқтидорли спортчиларидан Исроил Мадримов, Абдулхай Шораҳматов, хотин-қизлар ўртасида Турсуной Раҳимова ҳамда Мафтуна Мелиева ўз вазн тоифаларида олтин медални қўлга киритган бўлса, финалга қадар бўлган жангларда ғалаба қозонган Нодир Мирзааҳмедов, Аброр Қодиров, Фазлиддин Мелибоев, Шаҳноза Низомова кумуш медаль билан тақдирланди.

Шунингдек, ўз вазн тоифаларида Элнур Абдураимов, Зуҳриддин Маҳкамов ва Дилноза Одилжонова учинчи ўринни эгаллади.

#Ўзбекистон #бокс #халқаро турнир

Kun.uz янгиликларини Google News'да кузатинг

+ Обуна бўлиш