Nissan Brexit’дан кейин Британияда ишлаб чиқаришини кенгайтираётган биринчи компания бўлди

Фото:cardealermagazine.co.uk

Япониянинг Nissan автомобилсозлик компанияси Британиянинг Сандерленд шаҳридаги заводига инвестицияларни кўпайтириш ва унда янги Qashqai ва X-Trail кроссоверларини ишлаб чиқариш режасини маълум қилди.

Компанияда бу 7 мингдан кўпроқ иш ўрнини сақлаб қолишга имкон бериши айтилди.

Буюк Британиянинг Европа Иттифоқидан чиқиш қарори ортида Nissan Британияга инвестицияларини ошираётган биринчи йирик халқаро компания бўлмоқда.

Nissan раҳбари Карлос Гон бу қарор Буюк Британия ҳукумати томонидан қўллаб-қувватлов ва кафолатлар берилиши эвазига қабул қилинганини маълум қилди.