Бишкек: Президент Порошенко билан кимдир ҳазиллашган
Қирғизистон президенти маъмурияти мамлакат раҳбари Алмазбек Атамбаевнинг Украина президенти Пётр Порошенко билан телефон орқали мулоқоти бўлганини рад этди. Бу ҳақда Украина давлат раҳбари матбуот хизмати хабар қилган. Расмий Бишкекнинг фикрича, Порошенко ғаразгўй ҳазилининг қурбони бўлгани эҳтимол, деб ёзмоқда АКИpress.
«Бу хабар ишончли эмас. Эҳтимол, Украина етакчиси билан кимдир ҳазиллашган», — деган Қирғизистон президенти аппарати ташқи сиёсат бўлими раҳбари Сапар Исаков.
Аввалроқ, Пётр Порошенко сайтида президент Атамбаев билан телефон мулоқоти ўтказилгани ҳақида эълон қилинган эди. У мазкур хабар ёзилаётган вақт (Тошкент вақти билан 3 ноябрь, соат 9:00)да ҳам Украина давлат раҳбари сайтидан олиб ташланмаган. Айни чоғда, Порошенконинг қирғизистонлик ҳамкасби сайтида бу ҳақда лом-мим дейилмаган.
Мавзуга оид
11:24
Украина 55 минг кишини бедарак йўқолган деб тан олди
23:40 / 27.09.2024
Украина Қуролли Кучлари фронтга келган янги аскарларнинг ярмидан айрилмоқда
20:34 / 27.09.2024
Зеленский Ню Йоркда Трамп билан учрашди
20:26 / 27.09.2024