Ҳиндистон ФҚБ учун iPhone дастурини бузган технологияни харид қилади

Фото: applestyle.su

Ҳиндистоннинг Гандинагар суд-тиббий лабораторияси Cellebrite компаниясидан iPhone 5C смартфонини буза олган технологияни сотиб олмоқчи. Cellebrite компанияси ФҚБ сўрови билан мазкур телефоннинг ҳимоясини буза олган эди, деб ёзмоқда The Economic Times нашри.

Юқори лавозимли мулозимнинг сўзларига кўра, лаборатория бир ой мобайнида техник ечимларга эга бўлади. «Ҳиндистон ҳуқуқ-тартибот идоралари телефонни буза олмаган тақдирда мурожаат қиладиган жаҳон маркази бўлади».

Аммо, у бу технологиялар қандай ҳолатларда ва қайси шартларда қўлланилишига ойдинлик киритмаган. Шунингдек, буюртма қиймати ҳам номаълум.

Аввалроқ, Ҳиндистон полицияси маҳкамаси маълумотларни олиш учун iPhone дастурини бузишга уринаётгани хабар қилинган эди.