«Толибон» ҳаракати Афғонистонда содир этилган портлаш учун жавобгарликни зиммасига олди

«Толибон» радикал ҳаракати жангарилари АҚШ ва НАТОнинг Афғонистондаги йирик қўшма ҳарбий базасида содир этилган портлаш учун жавобгарликни зиммасига олди, деб хабар қилмоқда Reuters агентлиги.

НАТОнинг Афғонистондаги миссияси вакили хабар қилганидек, альянс ва АҚШнинг Баграм шаҳридаги ҳарбий базасида портловчи қурилма ҳаракатга келтирилгани оқибатида 4 киши ҳалок бўлган, 14 киши яраланган. Ҳарбий манбанинг NBC телеканалига маълум қилишича, портлашни ҳудкуш террорчи амалга оширган. 

Таъкидланишича, «Толибон» ҳаракати вакилининг Twitter саҳифасида ёзишича, ҳаракат ушбу жиноят учун жавобгарликни зиммасига олган. 

Аввалроқ, ушбу портлашда 3 киши қурбон бўлиб, 13 киши жароҳатлангани хабар қилинган эди.