2017 йилда янги Nokia смартфонлари пайдо бўлади

Nokia компанияси тақдимотида айтилишича, 2017 йилда бу бренд остида янги смартфонлар пайдо бўлади. 

GSM Arena нашрининг маълум қилишича, аслида Nokia ўз бренди остида бирор-бир қурилма ишлаб чиқармоқчи эмас, у шунчаки бренд ва патентлар эгаси сифатида иштирок этади ҳамда янги телефонларнинг яратилишини кузатиб боради. 

Смартфонларни эса бевосита бошқа компания ишлаб чиқаради. Аввалроқ Nokia компанияси HMD Global билан ҳамкорлик қилиши ҳамда ўз бренди остида смартфон ва планшетлар ишлаб чиқаришни қайта бошламоқчи эканлигини эълон қилган.

HMD компанияси мобиль телефонлар сегментида Nokia брендидан фойдаланиш бўйича 10 йиллик келишувга эга.