ЕИ парламенти Туркиянинг ташкилотга аъзолигини вақтинчалик музлатиш ташаббусини қўллаб-қувватлади

Европа парламенти 24 ноябрь, пайшанба куни Страсбургда Туркиянинг блокдаги аъзолигини вақтинчалик музлатишга доир ташаббусни қўллаб-қувватлади. Бу ҳақида Daily Sabah нашри хабар берди. 

Европарламент аъзолари мазкур масала юзасидан жорий музокараларнинг барчаси музлатилишини бир овоздан қўллаб-қувватлашди. Овоз беришнинг бундай якунлари Анқара ва Европа Иттифоқи ўртасидаги тушунмовчиликларни янада чуқурлаштириши мумкин. 

Мазкур резолюциянинг қабул қилинишига турк ҳукуматининг мамлакатда июль ойида бўлиб ўтган ҳарбий тўнтарув ҳаракатига нисбатан "номуносиб" реакцияси сабаб бўлган. 

Туркия ва Европа муносабатлари кўп масалалар бўйича боши берк кўчага кириб қолганди. ЕИнинг Туркия фуқароларига виза режимини эркинлаштиришдан бош тортгани, шунингдек унинг Туркиядаги ҳарбий тўнтарув ҳаракати ва у ердаги террорчи ташкилотларга лоқайд муносабатда бўлганлиги шулар жумласидандир. 

Эслатиб ўтамиз, Туркия ЕИга аъзо бўлишга доир  музокараларини 2005 йилда бошлаган.