Роналдунинг хет-трики «Реал»ни клублар ўртасида жаҳон чемпиони қилди
Бугун Японияда клублар ўртасидаги жаҳон чемпионати финали бўлиб ўтди. Унда «Реал» мезбон жамоа «Кашима Антлерс» билан учрашди. Иокогамадаги «Ниссан» стадионида кечган учрашув мадридликларнинг 4:2 ҳисобидаги ғалабаси билан якунланди.
Ўйин дебютида Карим Бензема «Кашима» дарвозасини ишғол қилди. 44-дақиқада Гаку Сибасаки узоқдан берган зарбаси билан ҳисобни тенглаштирди.
Иккинчи бўлим бошида Сибасаки «Реал» мудофаасини ёриб ўтиб, дарвозабонни ҳам доғда қолдирди. Ўйиннинг 60-дақиқасида эса Криштиану Роналду пенальтидан гол уриб, ҳисобни тенглаштирди - 2:2.
Ўйиннинг асосий вақтида дуранг ҳисоб сақланиб қолди ва жамоалар қўшимча бўлимларга таклиф этилди.
98-дақиқада Бензема рақиб ҳимоячиларини доғда қолдириб, тўпни қулай вазиятдаги Роналдуга етказди ва португалиялик ҳужумчи ўз имкониятидан унумли фойдаланди. 104-дақиқада эса Криштиану офсайд чегарасида ҳаракат қилган ҳолда Тони Крооснинг зарбасидан кейин дарвозага кирмасдан қайтган тўпга эга чиқиб, уни дарвозага йўналтирди - 4:2.
«Реал» иккинчи марта клублар ўртасидаги жаҳон чемпионатида ғолиб бўлди. Бу борада «Барселона» етакчи - 3 марта.
Реал Мадрид – Касима Антлерс 4:2 (қўшимча бўлимлар)
Голлар: 1:0 – 9 Бензема, 1:1 – 44 Сибасаки, 1:2 – 52 Сибасаки, 2:2 – 60, пенальти Роналду, 3:2 – 97 Роналду, 4:2 – 104 Роналду.
Реал Мадрид – Навас, Варан, Марсело, Карвахаль, Рамос (Начо, 108), Модрич (Ковачич, 105), Каземиро, Кроос, Васкес (Иско, 81), Роналду (Мората, 112), Бензема.
Касима Антлерс – Согахата, Уэда, Ямамото, Ниси, Седзи, Дои (Судзуки, 88), Эндо (Ито, 103), Канадзаки, Огасавара (Фабрисио, 68), Нагаки (Акасаки, 114), Сибасаки.
Огоҳлантиришлар: Рамос (55), Ямамото (58), Фабрисио (93), Каземиро (100), Карвахаль (102)
Мавзуга оид
10:48
Галактикос 2.0. «Реал»нинг натижалари қанчалик хавотирли?
11:22 / 03.10.2024
«Реал», «Бавария» ва «Атлетико» ютқазди, «Ювентус»да даҳшатли камбэк. ЕЧЛда сенсациялар куни
11:34 / 30.09.2024
Мадрид дербисида тўполон, «МЮ» йирик ҳисобда ютқазди. Кун ўйинлари
12:56 / 22.09.2024