Анқарадаги қотиллик. Воқеа жойидан илк видео

Россиянинг Туркиядаги элчисини ўлдирган қотилнинг воқеа жойидаги ҳаракатлари видеоёзувларга муҳрланган.

У қотилликни амалга ошириб бўлгач, баланд овозда бақира бошлайди ва асосан Суриядаги воқеалар учун ўч олиш ҳақида гапиради.

Анқарадаги Замонавий санъатлар марказида расм кўргазмаси очилиш маросимида Россиянинг Туркиядаги элчиси Андрей Карловга суиқасд уюштирилди.

Очилиш маросимида сўзга чиққан Андрей Карловга қарата унинг ортида турган номаълум шахс ўқ узди. Элчи ўқ еб йиқилгач, жиноятчи ҳавога қарата ўт очди ва меҳмонларни залдан чиқиб кетишга буюрди.

Кўп ўтмай у полициячилар томонидан отиб ташланди.