Бразилия ва Колумбия "Шапекоэнсе" хотирасига хайрия учрашуви ўтказади

Бразилия футбол конфедерацияси Бразилия ва Колумбия терма жамоалари ўртасида "Шапекоэнсе" клуби билан юз берган авиаҳалокат қурбонлари хотирасига 25 январда Рио-де-Жанейродаги Олимпия стадионида хайрия футбол учрашуви бўлиб ўтишини маълум қилди.

Барча тушган маблағлар Колумбияда 28 ноябрда содир бўлган авиафалокат қурбонлари яқинларига ёрдамга йўналтирилади. Ўшанда Lamia самолёти Эль-Гордо деган жойда ерга қулаган. Самолётда 77 киши, жумладан бразил клубининг 22 ўйинчиси бўлган. Авиафалокатда 6 киши омон қолган.

Таъкидланишича, Бразилия термаси сафида фақат маҳаллий футболчилар ўйнайди.

Фожеада учувчи ва авиакомпания айбдор деб топилганди.    

"Шапекоэнсе" "Атлетико Насьональ" клуби билан Жанубий Америка кубоги финал учрашувининг 1-ўйинига учиб кетаётган бўлган. Кейинроқ Жанубий Америка футбол конфедерацияси (КОНМЕБОЛ) "Шапекоэнсе"ни кубок ғолиби деб эълон қилганди.