Мексикадаги пиротехника бозорида рўй берган портлаш (фотожамланма)

Мексиканинг Тультепеке шаҳридаги Сан-Паблито пиротехника бозорида рўй берган кучли портлаш натижасида ҳалок бўлган кишилар сони 29 нафарга етди, жароҳатланганлар сони эса - 70 нафардан зиёд. Баъзиларининг танаси 90 фоиз куйиб кетган. Бу ҳақида ВВС нашри хабар берди.

Миллий фавқулодда-қутқарув хизматлар раҳбари Луис Фелип Пуэнтенинг сўзларига кўра, жабрланганлар сони яна ошиши мумкин. Қизил хоч вакилларининг маълум қилишича, ташкилот воқеа содир бўлган жойга 30дан ортиқ тез ёрдам машинаси ва ўнлаб тиббиёт ходимларини жўнатган. Тультепека фавқулодда-қутқарув хизматлар раҳбари Исидро Санчес портлашга керакли хавфсизлик чораларининг кўрилмаганлиги сабаб бўлганини маълум қилди.