“Локомотив” футболчиларига олтин медаллар ва Chevrolet Gentra калитлари топширилди

Тошкентдаги “Ўзбекистон” меҳмонхонасида ўтказилган тадбирда 2016 йилги Ўзбекистон чемпионига айланган “Локомотив” жамоаси футболчиларига олтин медаллар топширилди. Бу ҳақда Tribuna.uz хабар берган.

Хабарга кўра, медаллар “Ўзбекистон Темир йўллари” АЖ бошқарув раиси биринчи ўринбосари Даврон Дехканов ва Ўзбекистон Футбол Федерацияси вице-президенти Сардор Раҳматуллаев томонидан топширилган. 

Клуб бош ҳомийси саналадиган “Ўзбекистон Темир йўллари” АЖ томонидан эса “Локомотив”нинг чемпионликка эришишига катта хисса қўшган барча футболчи ва мураббийларга сўнгги русумдаги Chevrolet Gentra автомобиллари калити ҳам топширилган.