Қўшимча функционаллар
-
Тунги кўриниш
Ту-154 самолётининг ҳалокатига сабаб бўлган асосий эҳтимоллар маълум қилинди
Фото: РИА "Новости"
Россиянинг Федерал хавфсизлик хизмати (ФХХ) Россия Мудофаа вазирлигининг Ту-154 самолёти қулашига доир асосий тахминларни маълум қилди, деб хабар қилмоқда РИА Новости.
Маъмуриятга кўра, двигателга ёт жисмларнинг тушиши, сифатсиз ёқилғи, парвоз жараёнининг нотўғри амалга оширилгани ёки техник носозлик ҳалокатга сабаб бўлгани эҳтимол.
Шу билан бирга, самолёт бортида теракт ёки қўпорувчилик аломатлари аниқланмаган.
«Самолёт бортида террорчилик ёки қўпорувчилик содир этилганини исботловчи далиллар мавжуд эмас», — дейилади маъмурият баёнотида.
Эслатиб ўтамиз, 25 декабрь куни тонгда Сочидан Хмеймим авиабазасига парвоз қилаётган Ту-154 самолёти радар экранларидан йўқолган эди.
Кейинроқ, Россия мудофаа вазирлиги, ўзига тегишли самолёт қолдиқлари Сочи соҳилидан 1,5 км узоқликда денгиз юзасида топилганини маълум қилган эди. Унинг бортида жами 92 киши бўлган, уларнинг ҳеч бири тирик қолмаган.
Мавзуга оид
01:16
АҚШ ракеталари ёрдамида йўлланган биринчи зарбалардан кейин Россия акциялари 2 млрд долларга қулади
23:54 / 19.11.2024
Чехия юзлаб мактаблардаги портлаш таҳдидларида россиялик жосусларни айблади
22:07 / 19.11.2024
АҚШ Россия ядро сиёсатининг ўзгариши муносабати билан ўз ядро доктринасини ўзгартирмайди
20:58 / 19.11.2024