A321 самолёти туфайли бир кунга ёпилган Калининград аэропорти ўз фаолиятини тиклади

Россиянинг Калининград вилоятидаги Храброво аэропорти ўз фаолиятини штатлар жадвали асосида қайта йўлга қўйди. У «Аэрофлот» авиакомпаниясининг Airbus A321 самолёти билан юз берган ҳодисадан сўнг, вақтинча ёпилган эди. Бу ҳақда РИА Новости агентлиги вилоят губернатори в.б. Антон Алихановга асосланган ҳолда хабар қилмоқда.

«Аэрофлот» компаниясининг учиш-қўниш йўлагидан чиқиб кетган Airbus A321 самолётини Балтика флотининг махсус техникаси ёрдамида тортиб келтирилгани хабар қилинган.

3 январь куни Москвадан учиб келган самолёт учиш-қўниш йўлагидан чиқиб кетган эди. Унинг бортидаги йўловчи ва экипаж аъзоларидан ҳеч ким жиддий жабрланмаган. 3 киши тиббий ёрдамга мурожаат қилган. Ушбу ҳодиса юзасидан жиноий иш қўзғатилган.