Пентагон: АҚШ Шимолий Корея ракеталарини уриб туширишга тайёр

фото: EPA

Вашингтон Шимолий Кореядан учирилган ракеталар АҚШ ёки унинг иттифоқдошларига хавф солса, уларни уриб туширишга тайёр. Бу ҳақда Пентагон раҳбари Эштон Картер NBC телекомпаниясига берган интервьюсида айтиб ўтди.

"Уларнинг ядровий қурол ва баллистик ракета яратиш бўйича дастурлари биз учун жиддий хавф ҳисобланади", деб айтди Картер. Пентагон раҳбари "АҚШ Шимолий Корея баллистик ракетасини уриб туширишга тайёрми?" деган саволга "Агар у бизга хавф солса, уриб туширамиз", деб жавоб берган.

Картер "Пентагон Шимолий Корея ракеталарини синовлар вақтида ҳам уриб тушириши мумкинми?" деган саволга "Биз уларни агар улар бизга хавф солса, улар бизнинг ҳудудга ёки иттифоқдошларимизнинг ҳудудига йўналтирилган бўлса уриб туширган бўлардик", деб айтган.