“Милан” Италия кубогида “Ювентус” билан учрашадиган бўлди

“Милан” футбол клуби Италия кубогининг 1/8 финали доирасида “Торино” устидан 2:1 ҳисобида зафар қучди, деб хабар берди Tribuna.uz.

Миланда кечган беллашувда меҳмонлар биринчи бўлиб ҳисобни очишди – Андреа Белотти 21-дақиқада тўп киритди. Мезбонлар 61-дақиқада ҳисоб тенглаштиришди – Юрай Куцка ўз номини таблога ёздириб қўйди. Россонерилар яна икки дақиқадан сўнг ҳисобда олдинга ўтиб олишди – Жакомо Бонавентура гол муаллифига айланди. “Буқалар” таркибида Антонио Барреко 87-дақиқада иккинчи сариқ карточкани олиб майдондан четлатилди.

“Милан” Италия кубоги чорак финалига йўл олди ва энди “Ювентус” билан куч синашади.