Хитойда бир жойда рекорд миқдорда Tesla электрокарлари тўпланди

Фото: motor.ru

Хитойда бир жойда рекорд миқдорда Tesla электрокарлари тўпланди – ўзига хос парадда 145 та Model S хэтчбеки ва юзлаб Model X кроссоверлари иштирок этди. Ушбу натижа Гиннесс рекордлар китобига киритилди.

Электрокроссоверлар тадбир давомида футбол майдонида "Х" ҳарфи кўринишида тизилиб туришди, сўнгра "рождество шоуси"ни ижро этишди: махсус режим мультимедиа тизимидаги менюнинг алоҳида банди ёрдамида фаоллаштирилади. Шундан кейин автомобилни тарк этиш, эшикларни ёпиш ва брелокда қулфларни блоклаш тугмасини босиш талаб қилинади. Машина Wizards in Winter қўшиғига автоматик равишда ёруғлик асбобларини бетартиб ёқишни ва Model X’нинг орқа эшикларини ҳаракатлантиришни бошлайди.

2016 йил охирига кўра, Хитойда электромобиллар миқдори 600 мингдан ошиб кетган. Бу 2015 йилдагидан 2 марта кўпроқдир. 2030 йилга келиб Хитой ҳукумати электрокарлар ҳажмини 15 млн машинадан кўпроққа оширмоқчи. Бундан ташқари, қувватлаш станциялари тармоғини жиддий кенгайтириш режалаштирилмоқда: 2020 йилгача 5 млн гача, 2025 йилгача 20 млн гача ва 2030 йилгача 80 млн гача.

Бугунги кунда дунё бўйича 200 минг дона Tesla электромобили мавжуд.