Ўзбекистон икки фуқароликни киритишни режалаштирмаяпти
Ўзбекистонда яқин йиллар давомида икки фуқароликни киритиш масаласи кўриб чиқилмайди, деб хабар берди Спутник.
Ўзбекистон Адлия вазири ўринбосари Нодир Жўраевнинг сўзларига кўра, икки фуқаролик киритилиши ҳақидаги маълумотлар — миш-мишдан бошқа нарса эмас.
"Бу ҳақда гап бўлиши мумкин эмас. Бизнинг давлатимизда битта фуқаролик бор. Ўзбекистонда икки фуқаролик масаласи муҳокамага киритилгани ҳақидаги маълумотлар ҳақиқатдан йироқ. Бу шунчаки — миш-миш. Балки, хорижга чиқиш паспортлари киритилиши режалаштирилаётгани боис, кимдир бу масалани ўзича талқин қилган бўлиши мумкин", - дея таъкидлаб ўтди Жўраев.
Маълумот учун, Конституцияга кўра, Ўзбекистонда бутун республика ҳудуди учун ягона фуқаролик ўрнатилади. У барча учун уни олиш асосларидан қатъий назар бир хил ҳисобланади. Шу билан бир қаторда, Ўзбекистон Республикаси фуқароси бўлган шахс томонидан хорижий давлат фуқаролигига кириши тан олинмайди.
Мавзуга оид
23:53 / 30.09.2024
Озарбойжонда ўзбекистонлик ҳарбийлар иштирокида «Маҳорат-2024» қўмондонлик-штаб ўқувлари бошланди
19:53 / 16.09.2024
Ўзбекистон АҚШ билан божхона соҳасидаги ҳамкорликка оид битимни имзолади
20:49 / 02.09.2024
Россиянинг Ўзбекистондаги элчиси республика билан алоқаларнинг ривожланиши ҳақида гапирди
20:37 / 31.07.2024