ATA: Трампнинг тақиқлови самолётлар экипажларига ҳам жорий қилинади

АҚШ президенти Дональд Трампнинг миграция сиёсатини кучайтириш тўғрисидаги фармони айрим самолётларнинг экипаж аъзоларига ҳам тегишли бўлади. Халқаро ҳаво транспорти ассоциацияси (IATA) АҚШ ҳукуматидан олган хабарномасида шу ҳақда сўз юритилган, деб хабар қилмоқда Reuters агентлиги.

АҚШ божхона-чегара хизмати IATA ташкилотини 28 январда огоҳлантирган. Унга мувофиқ, «Эрон каби мамлакатлар паспортларининг эгалари, шу жумладан, экипаж аъзоларига ҳам» АҚШга кириш тақиқланади.

Бундан аввалроқ, АҚШдаги амалдаги визалар билан келган фуқаролар, вақтинча мамлакатда қолишга рухсат берувчи суд қарорларини олишгани хабар қилинган эди.