Эрдўған февраль ойида Форс кўрфази мамлакатлари бўйлаб сафар қилади

Туркия президенти Ражаб Тоййиб Эрдўған 12-14 февраль кунлари Форс кўрфази мамлакатлари — Баҳрайн, Қатар ва Саудия Арабистонига ташриф буюради. У иқтисодий алоқаларни ривожлантириш ва ИШИД террорчи гуруҳига қарши кураш масалаларини муҳокама қилади. Бу ҳақда Саудиянинг "Оказ" нашри хабар қилмоқда.

Туркия президенти ўз сафарини Баҳрайндан 12 февралда бошлайди, сўнгра, Саудия Арабистони ва Қатарга боради. 

Газетанинг ёзишича, Эрдўған Форс кўрфази мамлакатларига сафарида, шунингдек, энергетика, савдо ва инвестиция соҳаларидаги ҳамкорлик, Анқаранинг террорчиларга қарши олиб бораётган ҳарбий ҳаракатларини муҳокама қилади.