АҚШ вице-президенти Никарагуа байроғини Исроилники деб ўйлади

АҚШ вице-президенти Майк Пенс Исроилни қўллаб-қувватлаш мақсадида жойлаштирган хабарида Никарагуа байроғидан фойдаланди.

«Бизнинг яҳудий давлатини қўллаб-қувватлашимиз мамлакатимиз чегаралари билан чекланган эмас. Трамп пайтида жаҳон Америка Исроил томонида эканини билиб олади», - дея ёзган Пенс Twitter’даги саҳифасида. Шунингдек у хабарга Никарагуа байроғини ҳам қўшиб қўйган.

Эслатиб ўтамиз, бироз вақт муқаддам Майкл Пенс ва Европа иттифоқи раҳбари Дональд Тускнинг Брюсселдаги учрашувида Америка байроғида битта ортиқча юлдуз бўлгани ҳақида хабар бергандик.