Трамп АҚШ маъмуриятининг биринчи ойига якун ясади

АҚШ маъмурияти ўтган бир ой мобайнида режалаштирганларининг деярли барчасини амалга оширди. Бу ҳақда АҚШ президенти Дональд Трамп Оқ уйда бўлиб ўтган тантанали кечки овқат вақтида маълум қилди. Унга мамлакатнинг 46 штати губернаторлари тўпланишган эди. 

"Тўрт ҳафтадан сўнг айтишим мумкинки, бу жуда ажойиб бўлди, - деган Трамп. – Биз режалаштирган барча нарсага деярли эришдик".

Давлат раҳбари, хусусан, миграция сиёсати қатъий тус олганини мисол келтирган. "Дунёда катта муаммолар бор, сизлар буни яхши биласизлар. Аммо, биз ишларнинг боришидан мамнунмиз. Биз ўтган икки йилда кўп ваъда бердик ҳамда ушбу сўзларнинг аксарини бажардик", - деб қайд этган давлат раҳбари. 

Унинг айтишича, у 27 февраль куни губернаторлар билан мамлакат соғлиқни сақлаш тизимини муҳокама қилади. Тиббий ислоҳот ҳақида сўз юритган Трамп унинг "жуда ҳам ўзига хос" бўлишини таъкидлади.