Қўшимча функционаллар
-
Тунги кўриниш
Шимолий Корея номаълум турдаги ракеталар учирди
Фото: AP
Шимолий Корея 6 март эрталаб Япон денгизи томон номаълум турдаги ракеталар учирди. Бу ҳақда Япония мудофаа вазирлигига иқтибос келтирган ҳолда "Киодо" ахборот агентлиги хабар бермоқда.
Журналистларнинг маълумотларига кўра, ракеталар Пхенан-Пукто вилоятидаги Тончханни посёлкаси яқинидаги Сохэ космодромидан учирилган. Ракеталар Япониянинг Акита префектурасидаги Ого яриморолидан ғарбга томон 300-350 км узоқликда қулаган.
Ахборот агентлигининг маълум қилишича, ҳаммаси бўлиб 4 та ракета учирилган. Улар Шимолий Корея ҳудуди узра учиб ўтиб, Япон денгизидаги Япониянинг иқтисодий ҳудудига тушган.
Сеул Шимолий Корея KN-08 ёки KN-14 қитъалараро баллистик ракетасини учирганини тахмин қилмоқда. Шимолий Кореянинг бу ракета синовлари Жанубий Кореяда АҚШ-Жанубий Корея ҳарбий машғулотларига жавоб бўлгани тахмин қилинмоқда. Корея халқ армияси ўтган ҳафтада Шимолий Корея бундай ҳаракатларга жавоб чоралари кўришга мажбур бўлишидан огоҳлантирган.
Мавзуга оид
17:55
WSJ: Украина ўзининг баллистик ракетасини яратиш устида иш олиб бормоқда
23:01 / 21.11.2024
Путин Днепрга «Орешник» номли ўрта масофага учувчи баллистик ракета билан зарба берилганини маълум қилди
18:59 / 19.11.2024
ЖЧ-2026 саралаши. Ўзбекистон Шимолий Корея билан ўйинда 10 киши қолиб, қийин ғалабага эришди
09:08 / 08.11.2024