Британияда қидирувдаги ҳавфли жиноятчилардан бири шкаф ортидан топилди

Буюк Британия полицияси ўта ҳавфли жиноятчи деб саналган ва энг кўп қидирилган шахсни топишга муваффақ бўлди. Тинтув вақтида жиноятчи шкаф орқасига яшириниб олгани маълум бўлди. 

Исми ва фамилияси ошкор этилмаётган жиноятчи Словакияда "бир нечта жиддий жинсий зўравонликни содир этганликда" шубҳа остига олиниб, халқаро миқёсда қидирувда бўлган. У Словакияда жавобгарликдан қочиб, Англиянинг Брадфорд шаҳрида яшириниб юрган.

Маҳаллий полициячилар суриштирувлар давомида жиноятчи беркиниши мумкин бўлган 4 та манзилни кузатувга олган. Фақатгина охирги манзилда улар жиноятчини ҳибсга олишга муваффақ бўлишган. Эндиликда, полиция мазкур шахс ўз юртига депортация қилиниши ва ўша ерда жавобгарликка тортилишини ошкор этмоқда.