Фото: Ўзбекистонда 10 минг сўмлик банкнот муомалада

Ўзбекистон Республикаси Марказий банки 2017 йилнинг 10 мартидан қиймати 10 000 сўмга тенг банкнотларни муомалага киритди.

Ижтимоий тармоқларда тарқалган суратлар ҳам ушбу янгиликни тасдиқламоқда.

Мазкур пул белгилари 144 х 78 мм. ўлчамдаги ҳимояланган қоғозда тайёрланган. Банкнотнинг ўнг тарафидаги кенг оқ рангли сатҳда Ўзбекистон Республикаси Герби ва “10000” рақами кўринишида сув белгиси мавжуд. Оқ рангли сатҳнинг чап тарафидан қоғоз қатламида “Дарча” ва “3D” эффектли юзага чиқиб, ичкарига ботувчи ҳимоя ипи ўтказилган.