Қўшимча функционаллар
-
Тунги кўриниш
Навбатдаги антиқа уй: 1200 доллар эвазига ковбойлар этигида бир ой яшашингиз мумкин
Дунёнинг турли бурчакларидан архитекторлар ноодатий уйларнинг шаклини ўйлаб топиш бўйича ўзаро беллашишмоқда. Шу ўринда Техас штатининг Хантсвилл шаҳрида яшовчи рассом Дэн Филлипс ҳам ўз маҳоратини кўрсатиш учун ковбойлар мавзусини танлади.
Phoenix Commotion қурилиш компанияси билан ҳамкорликда Филлипс амалиётчилар ёрдамида ковбойлар этиги шаклидаги уйга асос солди. Бундай антиқа уйни яратишда унга болалар учун севимли бўлган этик ичида яшовчи кампир ҳақидаги эртак илҳом бағишлаган.
Бир қарашда турар-жой сифатидаги этик функционал эмасдек туюлади. Бироқ барча қўрқувлар асоссиз. 65 кв. метр майдонли уй ичида меҳмонхона, иккита ётоқхона ва ошхона мавжуд. Айлана шаклидаги зиналар бўйлаб юқорига чиқсангиз, дам олиш учун ажойиб айвонга гувоҳ бўласиз.
Этик уйнинг қулайлигини синаб кўриш истагида бўлган ҳар қандай оила унда бир ой яшаш учун 1200 доллар тўласа кифоя.
Дэн Филлипс ижодий ғояларга тўлиб тошган ва у ковбойлар мавзусини янада олға суриб, эндиликда ковбойлар шляпаси кўринишидаги уйни яратиш ниятида.
Мавзуга оид
21:41 / 17.11.2023
Президент Ўзбекистонда дизайн мактабини ривожлантириш бўйича топшириқ берди
07:41 / 20.07.2022
Тошкент дизайн ва мода халқаро университети ташкил этилади
20:57 / 27.06.2022
$100 минг топсангиз, камида $50 минг соф фойда — интерьер дизайн бизнеси
15:51 / 14.02.2021