«Челси» «Саутҳемптон»ни мағлуб этиб, «Тоттенҳэм» билан орадаги фарқни 7 очкога етказиб олди

«Челси» Англия чемпионатининг 34-турида «Саутҳемптон»ни мағлуб этди. Лондондаги «Стэмфорд Бриж» стадионида кечган баҳс 4:2 ҳисобида якунланди.

Кўклар сафида Эден Азар, Гари Кэхилл ва дубль қайд этган Диего Коста ўз номини таблога ёздириб қўйди. Меҳмонлар таркибида эса «Челси»нинг икки собиқ ўйинчиси - Ориоль Ромеу ва Райан Бертранд тўп киритди.

АПЛ турнир жадвалида биринчи ўринда бораётган Лондон жамоаси 78 очко жамғарди ва «Тоттенҳэм»ни (71) етти баллга ортда қолдирмоқда. «Саутҳемптон» (40) эса тўққизинчи поғонада.

Челси – Саутҳемптон 4:2 (2:1, 2:1)

Голлар: 1:0 – 5 Азар, 1:1 – 24 Ромеу, 2:1 – 45 Кэйхилл, 3:1 – 53 Диего Коста, 4:1 –89 Диего Коста, 4:2 – 90 Бертран.
Челси – Куртуа, Аспиликуэта, Давид Луиз, Кэйхилл, Мозес (Терри, 86), Канте, Матич, Алонсо, Фабрегас (Педро, 77), Азар (Виллиан, 90), Диего Коста.
Саутҳемптон – Форстер, Соареш, Стивенс, Йосида, Бертран, Дэвис, Ромеу, Уорд-Проуз (Лонг, 82), Тадич, Габбьядини (Родригес, 86), Буфаль (Редмонд, 68).
Огоҳлантиришлар: Канте (40), Фабрегас (49), Ромеу (60), Тадич (73).