Ўзбекистонда янги «Ўзбекистон 24» ахборот-таҳлилий телеканали ташкил этилади

Ўзбекистон миллий телерадиокомпанияси таркибида янги форматдаги янгиликлар телеканали ташкил этилмоқда. У хорижий мамлакатларда фаолият юритувчи ўз мухбирлар тармоғига ҳам эга бўлади. Кун.uz сайтининг Халқаро пресс клуб ва миллий телерадиокомпаниядаги бир-биридан мустақил манбаларига кўра, «O‘zbekiston 24» деб аталувчи телеканал миллий ахборот-таҳлилий телерадиоканал ҳисобланади. 

Президент Шавкат Мирзиёевнинг шу ҳақдаги қарорида қайд этилишича, янги телерадиоканал «Diyor» телеканали ва «Toshkent» радиоканали негизида барпо этилади. «O‘zbekiston 24»нинг ходимлар сони 251 киши бўлиши белгиланган. 

Яқин ойларда очиладиган «O‘zbekiston 24» кўрсатувлари  SD ва HD форматларда эфирга узатилади.