Австрия ўз ҳудудида Туркиянинг ўлим жазосига доир референдумини ўтказишни тақиқлайди

Австрия турк ҳукумати истаган тақдирда ҳам, ўз ҳудудида ўлим жазосига доир референдумни ўтказишни тақиқлайди.  Бу ҳақда Австрия ТИВ раҳбари Себастьян Курц маълум қилди. 

"Қонунчиликка мувофиқ, халқаро ҳуқуқ доирасида бунинг имкони бор, бу давлатга унинг ҳудудий суверенитети асосида хорижий референдум ўтказишни тақиқлаш имконини беради", - деди Австрия матбуот агентлиги вазири. 

"Ўлим жазосининг режа асосида киритилиши бундай қадам учун асосли ҳисобланади", - қўшимча қилди Курц. 

Бугунги кунда Австрияда тахминан 273 минг туркиялик яшайди, улардан 120 минг нафари овоз бериш ҳуқуқига эга. 

Бундан аввал ГФР ҳукумати расмий вакили Штеффен Зайберт ҳам Германия ўз ҳудудида бунга йўл қўймаслик учун барча зарур чораларни кўришга тайёр экани ҳақида маълум қилганди.