Макрон «Олға!» партияси раиси лавозимини тарк этди

Фото: news.pn

Франциянинг янги сайланган президенти Эммануэль Макрон 14 май куни давлат раҳбари лавозимига киришиши муносабати билан «Олға!» партияси раиси лавозимини тарк этди. Бу ҳақида партия бош котиби Ришар Ферран матбуот анжуманида маълум қилди. «Олға!» партияси Twitter'ида шу ҳақида хабар берилди.

Анъанага кўра, сайловлардан кейин янги президент ўзининг партиялардаги лавозимларини тарк этади. Ферраннинг сўзларига кўра, партия раиси вазифаларини вақтинчалик бажарувчи этиб Катрин Барбару тайинланган.

Бундан ташқари, Ришар Ферран партия номининг «Олға!»дан «Олға, Республика!»га ўзгарганини маълум қилди. У июнь ойида бўлиб ўтадиган парламент сайловларида партия барча сайлов участкаларида Франция Миллий кенгашидаги ўринлар учун кураш олиб боришидан воқиф этди.

#Франция #партия #Макрон #Олға

11 нафар номзод Елисей саройи учун кураш олиб бормоқда. Франция конституциясига мувофиқ, биринчи турдан сўнг икки номзод қолади. Улар сайловнинг якуний босқичида иштирок этади. Иккинчи тур 7 май куни бўлиб ўтади.