Охирги йилларнинг энг хавфсиз автомобиллари рейтинги тузилди

Autonews сайти таҳлилчилари охирги йилларнинг (2009-2017 йиллар) энг хавфсиз автомобиллари рейтингини тузишди.

Рейтинг ҳайдовчи ва катта ёшли йўловчининг, кичик ёшли йўловчининг ҳимояланганлиги, пиёда хавфсизлиги таъминланганлиги ва машинадаги хавфсизлик қурилмаларини баҳолаш асосида тузилди.

Унга кўра, 2009 йилнинг энг хавфсиз машинаси Honda Insight бўлган. Таҳлилчилар машинада ҳайдовчи ва катта ёшли йўловчи 96 фоизга, кичик ёшли йўловчи 84 фоизга ҳимоялангани, пиёда хавфсизлиги 34 фоизга таъминлангани ва машинадаги хавфсизлик қурилмалари 71 фоизни ташкил қилишини ўрнатишган. Якуний ҳисобда 2009 йилги рейтинг етакчиси 326 фоиз тўплаган.    

2010 йил учун BMW 5 Series энг хавфсиз машина деб топилди. Унинг юқоридаги кўрсаткичлари мос равишда 100, 78, 83 ва 95 фоизни ташкил қилган. 

2011 йилнинг энг хавфсиз машинаси Chevrolet Aveo деб тан олинган. Бироқ бирор бир кўрсаткич бўйича у 1-ўринни эгалламаган.

2012 йилнинг энг хавфсиз машинаси Volvo V40В бўлган, унинг натижаси 361 фоизни ташкил қилган. 

2013 йилда 340 фоизлик кўрсаткич билан Qoros 3 Sedan энг хавфсиз машина деб тан олинган.

2014 йилда Mercedes-Benz V-Class (332 фоиз), 2015 йилда Volvo XC90 (356), 2016 йилда Toyota Prius (336 фоиз) энг хавфсиз машиналар деб топилган.

Ниҳоят, жорий йилнинг энг хавфсиз машинаси Volvo S90/V90 бўлди, унинг кўрсаткичлари мос равишда 95, 80, 76 ва 96 фоизга баҳоланган.