Nokia 9 рекорд ҳажмдаги оператив хотирага эга бўлади

HMD компанияси Nokia телефон қаторлари борасида харидорларни кўп сийламайди, шундай экан, компаниянинг янги Nokia 9 флагмани ҳақида эшитганларимиз - фақатгина унинг Snapdragon 835 процессорига эга бўлиши. Бироқ Hi-Tech'га кўра, бугун у ҳақида янги қизиқ маълумот пайдо бўлган. 

GeekBench маълумотига кўра,  Nokia 9 жуда катта - 8 Гб ҳажмдаги оператив хотирага эга бўлади. Смартфоннинг код номи - Heart, бу аввалги тарқалган хабарларда қайд этилган.

Бошқа бир хабарларга кўра, бугунги кунга қадар телефон хусусиятларига оид маълумотлар - Nokia 9'нинг 5,3 дюймли QHD-экран, 13MP икки асосий камера ва тахминан 4 ҳамда 8 Гб оператив хотирага эга бўлади. Таъкидлаш жоизки, Nokia 9 Geekbench бенчмарк-тестида OnePlus 5 ва Samsung Galaxy S8'ни ортда қолдирган. 

GSM Arena'да ёзилишича, қурилманинг дастлабки қиймати - 750 евро.