Россия Туркиядан айрим маҳсулотларни импорт қилишга чекловларни бекор қилди

Россия бош вазири Дмитрий Медведев Туркиядан айрим маҳсулотларни етказиб беришга доир чекловларни бекор қилиш тўғрисидаги қарорни имзолади. Ҳужжат Россия Вазирлар маҳкамаси сайтида эълон қилинган. 

«Ҳукуматнинг 2015 йил 30 ноябрдаги 1296-сонли қарори билан Туркия республикасида ишлаб чиқарилган ва 2016 йил 1 январидан Россияга олиб керилиши тақиқланган қишлоқ хўжалиги маҳсулотлари, хом ашё ва озиқ-овқатлар рўйхати тасдиқланган эди», — дейилади ҳужжатда. 

Таъкидланишича, мазкур қарор билан парранда ва куркаларнинг музлатилган гўштлари, улардан ишлаб чиқарилган субмаҳсулотлар, музлатилган бодринг ва корнишонлар, сархил олма, нок, узум, ертут ва қулупнайларни олиб киришга рухсат берилади.