WP: АҚШ бош прокурорлари президент Трампни судга беришади

Американинг Вашингтон ва Мэриленд штатлари бош прокурорлари АҚШ президенти Дональд Трамп устидан судга мурожаат қилишлари мумкин. Улар Трампнинг конституцияни бузганлиги ва давлат раҳбари лавозимига киришганидан сўнг, тадбиркорлик билан шуғулланганини гумон қилишмоқда, деб ёзади The Washington Post.

Қайд этилишича, бош прокурорлар Трамп «хорижий ҳукуматлардан миллионлаб пул олган»ини таъкидлашмоқда. Уларнинг сўзларига кўра, Трамп ўз корпорациясига доир молиявий ҳисоботларни доимий равишда назорат қилиб туради. 

«Биз иш очаяпмиз, чунки президент ўзининг бизнес манфаатларидан воз кечиш учун зарур қадамларни ташлагани йўқ», — деган бош прокурор Карл Расина.

Агар, ариза қабул қилинса, Трампга суд эшитувлари доирасида ўз солиқ декларациясини эълон қилиш мажбуриятини юклашлари мумкин. Шу билан унинг бизнесидаги хорижий битимлар қамровига аниқлик киритилади. 

Аввалроқ, Трамп адвокатлари унинг солиқ декларациясида Россия изи йўқлигини айтишганди.