Австралияда мамлакатнинг энг йирик банкларига қарийб 300 млн долларлик солиқ солинди

Австралия ҳукумати мамлакатнинг бешта йирик банки (Commonwealth Bank of Australia, Westpac Banking Corp, Australia and New Zealand Banking Group, National Australia Bank ва Macquarie Group)га тўрт йил давомида 280 млн долларлик янги солиқ солди. Бу ҳақда Reuters хабар бермоқда.

Маълум бўлишича, бундай қарор ушбу банклардан олинган 4,6 млрд долларлик жуда юқори федерал йиғимдан сўнг қабул қилинди.

«Йирик банклар даромади жуда катта – бешта банк ўтган йилнинг ўзида солиқ солинишидан сўнг ҳам қарийб 30 млрд долларлик даромад олди», - деган Жанубий Австралия штати ғазначиси Том Кутсантонис.

Шунингдек, унинг қўшимча қилишича, ушбу банклар иқтисодий ўсишга кўпроқ ҳисса қўшиши ва иш ўринларини яратиши керак.