Пентагон ИШИД етакчиси ўлгани тўғрисидаги хабарни тасдиқлай олмайди

АҚШ мудофаа вазирлиги, ҳозирча, ИШИД террорчилик гуруҳи етакчиси Абу Бакр Ал Бағдодий ўлимини тасдиқловчи етарли маълумотларга эга эмас. Шу боисдан, унинг ўлганини тасдиқлай олмайди. Бу ҳақда 11 июль куни Reuters агентлиги Пентагонга асосланган ҳолда хабар қилмоқда. 

Аввалроқ, "Ас-Сумария" телеканали Ироқнинг Найнаво вилоятидаги маҳаллий манбага асосланган ҳолда ИШИД жангарилари ўз етакчиларининг ўлими ҳақида кичик баёнот берганини хабар қилган эди. Жангарилар яқин орада "янги халифа" номини ҳам аниқлаб олишларини билдирган.